Kraxlied

Hei du, hei du
Tier schütze chasch au du
Und wotsch du nöd eleige si
Hilft dir de Krax debi

Zum Biispil giit’s da Fischli
imne Aquarium
die händ kän Platz zum Schwüme
de Krax de findt das dumm

Frau Müller hät en Pudel
Sie meints ganz guet mit ihm
Und git em all Tag Schoggi
De Krax de findt das schlimm

Vögel händ gnueg z’ässe
Au d’Tuube i de Stadt
Drum sött mer die nöt füettere
De Krax de hät das satt

Frau Dokter vo de Villa
Die hät en tüüre Pelz
Vor ire händ en d’Füchs treit
Gseht das de Krax, de schelts

Statt nur en chalte Bode
Händ d’Säu vil lieber Stroh
Und au gnueg Platz zum Rode
Das macht de Krax recht froh

Und gasch emal veruse
Luegsch det wie d’Tier chönd sii
Dänn git’s det vil zum stuune
De Krax begleitet di debi

De Krax de hät Geburtstag
sit sächs Jahr gits en scho
i hundert Mänschejöhrli
hoffed mir – gits ihn no!

Forsche isch e gueti Sach
da gfindsch vil neus derbi
doch Tier bruchts für das keine
de Krax seit: lönd das si!

Drum sind mir da und zeiged
dass mier degäge sind
de Krax, mir all und au no
zweituusig andri Chind

Vil Lärm gits under Wasser,
de Mänsche isch's egal
doch die wo drunter liided
sind Delfin und au d'Wal

De Elefant im Zirkus
de träumt vom Dschungelgras
doch er gseht nume Sägmehl
de Krax frögt, was söll das?

En Zirkus ohni Wildtier
das findt de Krax en Hit
dur d'Reife springed Mänsche
und bliibed so schön fit

So risst de Krax de Schnabel uf
Mal wüetig und mal froh
Und krächzed i sim Rabe-groove
Mach’s doch grad au eso.